மட்டு.மாநகரசபை மற்றும் மாவட்ட செயலகம் ஆகியவற்றின் ஏற்பாட்டில் நடைபெற்ற பௌர்ணமி கலை விழா

2018-07-29

மட்டக்களப்பு மாநகரசபை மற்றும் மட்டக்களப்பு மாவட்ட செயலகம் இணைந்து நடாத்திய பௌர்ணமி கலை விழா காந்தி பூங்காவில் வெகுவிமர்சையாக கௌரவ மாநகரசபை உறுப்பினரும் கலை கலாசார குழுத் தலைவருமான திரு.வே.தவராஜா அவர்களின் தலைமையில் இடம்பெற்றது.

இதன்போது மீன்பாடும் தேனாடு புகழ் சொல்லும் பாடல் கோவிலூர் செல்வராஜன் அவர்களினால் பாடப்பட்டதுடன் மாமாங்கம் கலை தமிழ் சங்கத்தினால் திருந்தாத ஜென்மங்கள் எனும் நகைச்சுவை நாடகம், பறங்கின மக்களின் கவறிஞ்சா நடனம் மற்றும் கலை நிகழ்வுகள் இடம்பெற்றன.

இந்நிகழ்வில் மட்டங்களப்பு மாநகர முதல்வர் கௌரவ தி.சரவணபவன், மட்டக்களப்பு மாவட்ட அரசாங்க அதிபர் திரு.மா.உதயகுமார், மாநகர பிரதி முதல்வர் கௌரவ க.சத்தியசீலன், கௌரவ மாநகர உறுப்பினர்கள் மற்றும் பொது மக்கள் பலர் கலந்து கொண்டனர்.